På rappen-midlar

Er du ein ungdom i Fjaler/Holmedal som har ein god idé til eit prosjekt du vil gjennomføre og som kjem fleire tilgode, og du treng pengane raskt? Då kan du søke om «På rappen»-midlar på opp til kr 10.000 og få raskt svar!

Tiltaket må vere initiert / påkomme av ungdom, søkt på av ungdom og vere for ungdom.

Det kan vere støtte

  • til ein konsert
  • til ei utstilling
  • til ein film du vil lage
  • til eit orkester
  • til ein tur med føremål læring eller utvikling mm.

Ingen søknadsfrist. Du kan sende søknad når som helst.

Denne ordninga støtter ikkje reiser for lag på kampar/turnering/cup. For slik støtte, sjekk ut: Støtteordning til skuletur og reiser.

Framgangsmåte ved søknad på «På Rappen-midlar» for ungdom

Søknad til På rappen er ein forenkla søknad. Den skal innehalde:

  • Kven du eller de er. Namn på personar/gruppe.
  • Kva de søkjer om pengar til. Fortel om tiltaket og kvifor de syns de skal få støtte. Kva betydning kan de få for andre.
  • Kva kostar det?
  • Har du/de noko eigenkapital? Støtte frå andre, eigeninnsats, inntekter?
  • Søknadssum
  • Gje opp bankkontonummer

Bruk søknadsportalen.

Spørsmål: Send epost til post@ifjaler.no eller ring 41 44 82 97.